Қазақстандық спортшылар биыл Паралимпиадада медальдар саны жөнінен рекорд орнатты

Қазақстандық спортшылар 2024 жылғы Париж Паралимпиадасындағы жарысын екі алтын, үш күміс, төрт қола медальмен аяқтады. Осылайша медальдар саны жөнінен рекордтық көрсеткішке қол жеткізді.

Ел құрамасынан Давид Дегтярев (пара пауэрлифтинг) пен Ақмарал Науатбек (пара дзюдо) чемпиондық тұғырға көтерілді. 

Ал Еркін Ғаббасов (пара нысана көздеу), Нұрдәулет Жұмағали (пара жүзу), Ерғали Шамей (пара дзюдо) күміспен күптелсе, Дастан Мұқашбеков (пара жеңіл атлетика), Даяна Федосова (пара дзюдо), Зарина Раифова (пара дзюдо) мен Жұрқамырза Шүкірбеков (пара дзюдо) қола жүлдегер атанды.

1996 жылдан бері қазақстандық спортшылар жазғы Паралимпиада ойындарында суда жүзу, парапауэрлифтинг және парадзюдо сияқты спорт түрлерінен 7 медаль (2 алтын, 4 күміс және 1 қола) жеңіп алды.

2016 жылы Риода жүзуден Зүлфия Ғабидуллина алтын медаль еншілесе, Раушан Қойшыбаева парапауэрлифтингтен күміспен күптелді.

2020 жылы Токиода Қазақстан құрамасы 1 алтын, 3 күміс және 1 қоланы қоржынға салды.

Біздің серіктес: 200 000 фрибетті ұтысқа саламыз – арнаға жазыл және батырманы бас