Нұралы Әліп РПЛ қысқы кубогын жеңіп алды

РПЛ қысқы кубогының финалдық ойыны өтіп, онда мәскеулік «Спартак» пен Санкт-Петербургтің «Зенит» командалары кездесті.

Достық турнирі Абу-Дабидегі (БАӘ) «Әл Нахайян» стадионында өтіп, «Зениттің» 3:0 есебімен жеңісімен аяқталды. Бірінші таймның өзінде-ақ петербургтіктер үш гол соқты: Луис Энрике (16-минут), Вендель (28-ші) және Матео Касьерра (32-ші). «Зениттің» қазақстандық қорғаушысы Нұралы Әліп 74-минутта алаңға шықты.

Осылайша «Зенит» РПЛ қысқы кубогының жеңімпазы атанды. Турнирге Ресей премьер-лигасының алты клубы қатысты: «Зенит», «Спартак», «Динамо», «Ростов», «ЦСКА» және «Краснодар».

Біздің серіктес: «Ойна, болжа, қатыс!»