1 күн бұрын
«Астананың» бұрынғы бапкері ресейлік клубты тізгіндеді
Азамат Бақи
Фото: «Астана» БК
Глеб Плотников «Химки» баскетбол клубының бас бапкері атанды, деп хабарлайды Sport12.kz.
Бұл туралы мәскеулік клубтың баспасөз қызметі мәлімдеді.
Плотников — «Химки» баскетбол клубының түлегі. Ол 2010-2013 жылдар аралығында команданың жастар құрамында ойнады. Ойыншы мансабын жарақатына байланысты аяқтап, бапкерлік салаға бет бұрды. 2021/22 жылғы маусымда Плотников түлеп ұшқан клубына бапкер ретінде оралды.
Араға бір жыл салып, Плотников «Астана» клубына ауысты. Бірнеше маусым ассистент ретінде қызмет атқарып, 2024 жылдың күзінде команданың бас бапкері атанды.
Еске салсақ, Глеб Плотников елордалық ұжыммен бірге биылғы маусымда Қазақстан чемпионатында топ жарды.
