4 сағат бұрын
Волейбол: Қазақстан құрамасы Ұлттар кубогындағы үшінші жеңісіне қол жеткізді
Азамат Бақи
Фото: instagram / avcnationscup
Волейболдан Қазақстан әйелдер құрамасы Вьетнамда өтіп жатқан AVC Ұлттар кубогындағы жеңісті сериясын жалғастырды, деп хабарлайды Sport12.kz.
Турнирдегі үшінші кездесуінде Қазақстан Индонезияны тізе бүктірді. Бұл матчта волейболшыларымыз шебер ойын көрсетіп, 3:0 (25:17, 25:12, 26:24) есебімен сенімді түрде жеңіске жетті.
Осылайша отандастарымыз дүбірлі додадағы үшінші жеңісіне қол жеткізді. Бұған дейін Ришат Гилязутдинов шәкірттері қарсылас шақ келтірмей, Жаңа Зеландия (3:0) мен Моңғолияны (3:1) тізе бүктірген еді.
Енді ел құрамасы жарыстағы келесі матчын 11 маусым күні Иранға қарсы өткізеді.
