20 сағат бұрын
Қазақстандық баскетболшы «Астана» сапына оралды
Азамат Бақи
Фото: «Астана» БК
Роберт Пан «Астана» баскетбол клубының ойыншысы атанды, деп хабарлайды Sport12.kz.
Клубтың баспасөз қызметінің мәліметінше, қос тарап 2025/2026 жылдар маусымына арналған келісімге қол қойды.
Бұған дейін Роберт астаналық ұжымның намысын 2020/21 және 2021/22 жылдар маусымында қорғады. Одан соң мансабын «Irbis-Alatau» командасында жалғастырды. Отандасымыз өткен маусымда Ресей Суперлигасының «Тамбов» командасында ойнады. Онда ол команданың көшбасшы ойыншыларының бірі болып, әр ойында орта есеппен 12.6 ұпай еншілеп, 4.9 рет допты алып, 1.4 пас беріп, 1.4 рет допты тартып алған.
Сонымен қатар, Роберт Пан Қазақстан құрамасы көшбасшы ойыншыларының бірі.
