18 сағат бұрын

Қазақстандық мергендер Түркиядағы Әлем кубогы кезеңінде үздік ондыққа енді

Фото: ҰОК

Анталья қаласында (Түркия) садақ атудан Әлем кубогының кезеңі аяқталды, деп хабарлайды Sport12.kz.

Жекелей сайыста Қазақстан құрамасының атынан Адель Жексембинова ең үздік нәтиже көрсетті.

Спортшы блоктық садақ атудан тоғызыншы орынға ие болды. Роксана Юнусова 17-орыннан көрінсе, Виктория Лян 33-орын алды.

Ерлер арасындағы осы бағдарлама түрінде Андрей Тютюн мен Ақбаралі Қарабаев 17-орынға табан тіреді. Бунед Мирзаметов 33-орында аяқтады.

Классикалық садақ атудан Ильфат Абдуллин 17-орынға ие болды. Дәулеткелді Жаңбырбай мен Дастан Кәрімов 33-орыннан көрінді, ал Әлихан Мұстафин 73-орын алды. Самира Жұмағұлова жарысты 33-орында аяқтаса, Диана Тұрсынбек - 65, Мадина Заемова - 71-орында тұрақтады.

Сондай-ақ, еліміз бұл кезеңде командалық жарыстарда да сынға түсті.

Блоктық садақ ату