Таеквондодан Қазақстан құрамасы АҚШ-тағы турнирге қатысады

Таеквондодан (WT) Қазақстан ұлттық құрамасы 13-15 маусым аралығында АҚШ-тың Шарлотт қаласында өтетін World Taekwondo Grand Prix Challenge халықаралық турнирінің алғашқы кезеңіне қатысады, деп хабарлайды Sport12.kz.

АҚШ даянгында Қазақстан намысын 7 таеквондошы қорғайды. Олардың қатарында Тілеулес Темірлан (58 келі), Оралханов Бектөре (58 кг), Төлеуғали Батырхан (80 кг), Газез Нұрбек (68 кг), Хұсайынова Нұрай (67 кг), Ахмедова Нодира (49 кг), Бәкішева Рита (49 кг) бар. 

Аталған жарыс - әлемдік деңгейдегі тәжірибе мен рейтингтік ұпай жинауға мол мүмкіндік. Әр салмақ дәрежесінде үздік үштікке енген спортшылар 2026 жылы Рим қаласында өтетін World Taekwondo Grand Prix сериясының алғашқы кезеңіне тікелей жолдама алады.

Айта кетерлігі, турнирге әлемнің 44 елінен 376 спортшы қатысады деп жоспарланған.