1 күн бұрын
Волейбол: Қазақстан құрамасы Ұлттар кубогы топтық кезеңін жеңіліспен аяқтады
Азамат Бақи
Фото: instagram / avcnationscup
Волейболдан Қазақстан әйелдер құрамасы Вьетнамда өтіп жатқан AVC Ұлттар кубогында жеңіліс тапты, деп хабарлайды Sport12.kz.
Топтық кезеңдегі соңғы кездесуде Қазақстан Филиппинге жол берді. Құраманың көшбасшысы Сана Анарқұлова жарақатына байланысты қатыспаған матчта волейболшыларымыз 0:3 (21:25, 15:25, 19:25) есебімен қарсыласына есе жіберді.
Алайда, өткен турда Ришат Гилязутдинов шәкірттері жартылай финалға мерзімінен бұрын жолдама алып қойған еді.
Бес ойынның 4-де жеңіске жеткен отандастарымыз 12 ұпай жинап, топтан екінші орынмен шықты.
