Спорттық гимнастикадан Дарья Ясинская Азия чемпионатында финалға шықты

Оңтүстік Кореяның Чечхон қаласында әйелдер арасындағы спорттық гимнастикадан Азия чемпионаты басталды, деп хабарлайды Sport12.kz.

Қазақстан Ұлттық Олимпиада комитетінің хабарлауынша, іріктеу кезеңінің қорытындысы бойынша қазақстандық Дарья Ясинская екі финалға жолдама алды.

Спортшы құрлықтық біріншілікте еркін және қол тіреп секіру жаттығулары бойынша бақ сынайды.

Айта кетсек, бұдан бұрын Қазақстан ерлер құрамасы спорттық гимнастикадан Оңтүстік Кореяның Чечхон қаласында өткен Азия чемпионатында сәтті өнер көрсетті. 

Құрлықтық біріншілікте Қазақстан бір алтын медаль иеленді. Ат снарядындағы жаттығудың финалында Нариман Курбанов бірінші орын алды. Еркін жаттығуларда Милад Карими екінші орынды еншіледі. Сонымен қатар құрамамыз командалық көпсайыста үшінші орыннан көрінді.