Қазақ спортының жанашырына лайықты марапат!

Махат Төрәліге елорда – Астана қаласының дамуына сіңірген ерекше еңбегі үшін Қазақстан Республикасының Президенті Жарлығымен “Құрмет” ордені табысталды. Бұл марапат Мемлекет басшысының арнайы тапсырмасымен беріліп, ел игілігі жолындағы қажырлы еңбектің жоғары бағаланғанының белгісі болды.

Махат Төрәлі – тек елорданың өркендеуіне емес, сонымен қатар қазақ спортының, әсіресе бокс өнерінің жанашыры. Ол жылдар бойы спортшыларға қолдау көрсетіп, жас буынның дамуына жағдай жасап келеді. Қазақстандық боксшылардың әлемдік аренада жарқырауына ықпал еткен азаматтардың бірі ретінде танылған ол, еліміздің спорт саласына қосқан үлесі үшін халықтың шынайы құрметіне бөленіп жүр.

Бұл марапат – тек Астананың ғана емес, тұтас елдің дамуына, оның ішінде спорттың өрлеуіне қосылған үлестің жарқын көрінісі.