Қазақстан дзюдо арқылы халықаралық спорттағы орнын нығайтып келеді

Қазақстан мемлекеті жоғары спорттық жетістіктер мен бұқаралық спортты дамытуға бағытталған жүйелі қолдау мен стратегиялық шешімдер арқылы халықаралық спорт аренасындағы орнын нығайтып келеді.

Алғашқы алты айда елімізге 13 халықаралық спорт және ұлттық олимпиада комитеттерінің басшылары ресми сапармен келді. Бұл Қазақстанның әлемдік спорт қауымдастығындағы беделінің артып, жүргізіліп жатқан мемлекеттік саясатқа деген сенімнің жоғары екенін көрсетеді.

Президент тапсырмаларын іске асыру аясында:

Туризм және спорт министрлігі халықаралық федерациялармен ынтымақтастықты күшейту, спорт инфрақұрылымын дамыту және маңызды спорттық іс-шараларды өткізу бағытында ауқымды жұмыстар атқаруда.

Қазақстанның жаһандық спорттағы басқарушылық рөлін күшейту:

• Қазақстан спорт басқару саласында алғаш рет маңызды қадам жасады: Ербол Мырзабосынов Халықаралық дзюдо федерациясының (IJF) мүшесі болып сайланды. Бұл комитетке әлемнің 13 елінен өкілдер кіреді және дүниежүзілік дзюдоның стратегиялық дамуына жауап береді.
• Қазақстан – бұл құрылымға Орталық Азиядан мүше болған жалғыз мемлекет.
• Сонымен қатар, Руслан Желдібай IJF-тің технологиялар және тиімділікті арттыру жөніндегі комиссиясына қосылып, елдің халықаралық ұйымдардағы әлеуетін арттыра түсті.

Қазақстанда ұйымдастырылып жатқан маңызды спорттық шаралар:

• 2027 жылы дзюдодан әлем чемпионаты Қазақстанда өтеді. Бұл – отандық дзюдо тарихындағы екінші әлем біріншілігі.
• 2023 жылдан бастап Астанада Grand Slam сериясындағы Qazaqstan Barysy турнирі ұйымдастырылып келеді. Биыл бұл жарыста қазақстандық спортшылар 9 медаль жеңіп алды, жүлде қоры – 154 000 еуро.
• 2024 жылдың мамыр айында елордада парадзюдодан (IBSA) әлем чемпионаты өтті. Оған 38 елден 300-ден астам спортшы қатысты.
• Астанада халықаралық деңгейдегі шеберлер мен жаттықтырушыларды даярлайтын IJF академиясының ашылуы жоспарлануда.

Дзюдо ел ішінде де қарқынды дамуда:

Бүгінде Қазақстанда бұл спорт түрімен 160 000-нан астам адам айналысады. Бұл көрсеткіш Қазақстанның халықаралық спорт аренасында сенімді серіктес және белсенді қатысушы ретіндегі позициясын нығайтуға үлес қосып отыр.

Біздің серіктес: 200 000 фрибетті ұтысқа саламыз – арнаға жазыл және батырманы бас