Су спорты түрлерінен әлем чемпионатында қазақстандық спортшылардың нәтижесі белгілі болды

Сингапурда өтіп жатқан су спорты түрлерінен әлем чемпионатында қазақстандық спортшылардың нәтижесі белгілі болды, деп хабарлайды Sport12.kz.

Еліміздің Ұлттық олимпиада комитетінің хабарлауынша, Қазақстан құрамасы алғаш болып 10 шақырым қашықтыққа ашық суда жүзуден сынға түсті. Отандастарымыз жүлдеге қол жеткізе алмады. Лев Черепанов 30-орынға жайғасты. Әйелдер арасында Дарья Пушко 47-орынды иеленсе, Мария Федотова мәре сызығына жете алмады.

Ерлер арасында алтын медальді Германия өкілі Флориан Велльброк жеңіп алды. Күміс жүлде италиялық Грегорио Пальтриньериге, ал қола - аустралиялық Кайл Лиге бұйырды.

Әйелдер арасында аустралиялық Мойша Джонсон жеңіске жетті. Күміс жүлдені италиялық Джиневра Таддеучи, ал қола медальді Монако өкілі Лиза Пу жеңіп алды.

Айта кетейік, ашық суда жүзуден келесі медальдар жиынтығы 18 шілдеде сарапқа салынады.