Жазғы Универсиада: Кристина Овчинникова биіктікке секіру сайысынан финалға өтті

Жеңіл атлетикадан Қазақстан құрамасының өкілі Кристина Овчинникова Германияда өтіп жатқан 2025 жылғы Универсиада ойындарының финалына жолдама алды, деп хабарлайды Sport12.kz.

Спортшы биіктікке секіру сайысының іріктеу кезеңінен сәтті өтті.

Кристина Овчинникова 2001 жылы Алматы қаласында дүниеге келген. Қазірге дейін жабық ғимараттағы Азия ойындарында 2023 жылы күміс жүлдегер атанса, 2021 жылы Ислам ынтымақтастығы ойындарында үздік үштікті түйіндеді. 

Айта кетейік, осы бағдарламада Елизавета Матвеева да бақ сынаған еді. Алайда ол іріктеу кезеңінен өте алмады.

Финал бүгін, 26 шілдеге белгіленген.

Қазірге дейін ел құрамасынан таэквондошы Самирхон Абабакиров алтын алса, Дамир Шүленов, Тамирлан Тілеулес, Батырхан Төлеуғали, Бейбарыс Каблан және Нодира Ахмедова қола жүлдегер атанды. Еліміздің таеквондодан аралас құрамасы Универсиада ойындарының қола жүлдегері болды. Құрама сапында Бейбарыс Қабылан, Самирхон Абабакиров, Айдана Сүндетбай және Назым Махмудова сынға түсті.

Оған қоса көркем гимнастикадан Айбота Ертайқызы үздік үштіктен көрінді.

Байрақты бәсекеде ел намысын 12 спорт түрі бойынша 76 спортшы қорғайды.

Дүниежүзілік дода 16-27 шілде аралығында Германияның Рейн-Рур өңірінде өтеді.