MEGOGO вертикалды сериалдарды іске қосты: смартфонға арналған жаңа форматтағы контент

MEGOGO стриминг-сервисі контент кітапханасын кеңейтіп, алғаш рет смартфон экранына арнайы бейімделген жаңа форматтағы сериалдарды ұсына бастады. Бұл тренд Қытай мен Оңтүстік Кореядан бастау алып, бүгінде қысқа хронометражы мен ыңғайлы форматының арқасында бүкіл әлемде кеңінен танымал болуда.

Қазіргі уақытта MEGOGO-да махаббат драмаларынан бастап триллерлерге дейін қамтитын 20-дан астам сериал ұсынылды. Қысқа эпизодтардың әрқайсысы 1–1,5 минутқа созылады және 9:16 форматында вертикалды түсірілген, смартфон экранына бейімделген. Жылдам өрбитін оқиға, күтпеген сценарийлер мен сезімге толы финал — көрерменді бірден баурап алатын жаңа форматтың басты артықшылықтары. 

Вертикалды сериалдар — TikTok немесе Reels сияқты қысқа видеолардың баламасы ғана емес, сюжеті, актерлік ойыны және драматургиясы бар толыққанды жаңа жанр.

MEGOGO бұл форматты кәсіби, лицензияланған контентпен ұсыну арқылы мобильді аудиторияға жақындай түсуде.

«Қазір пайдаланушылардың көбі контентті смартфоннан қарайды. Вертикалды формат — күнделікті әдетке айналып келеді. MEGOGO бұл сұранысты ескере отырып, кәсіби әрі заңды түрде бейімделген контентті ұсынуда», — дейді MEGOGO-ның Орталық Азиядағы директоры Нұрлан Чукубаев.

Не көруге болады?

• The Crown (Тәж) — үйлену тойында ашылған отбасылық құпия
• Married to My Brother’s Ex — махаббат, сатқындық пен кешірім жайлы драма
• The Black Thrones  — әркімнің өз шындығы бар билік үшін күрес
• The Billionaire’s Lost Love — миллиардердің бірінші махаббатын қайта табуы
• If Only You Were Mine, The Chauffeur (Жеке жүргізуші), Runaway Bride (Қашқан қалыңдық) және тағы басқалар

Бұл неліктен маңызды?

▪️ Смартфонды бұрудың қажеті жоқ

▪️ Қоғамдық көлікте немесе үзіліс кезінде қарауға ыңғайлы

▪️ Барлық контент — заңды, сапалы және лицензияланған

MEGOGO бұл форматты Қазақстаннан бөлек, Өзбекстан, Тәжікстан, Түрікменстан, Қырғызстан, Армения, Әзербайжан, Грузия және Молдова елдеріндегі көрермендерге де заңды әрі ыңғайлы түрде ұсынып отыр.

Жаңа вертикалды сериалдар MEGOGO мобильді қосымшасындағы «Мини-драмалар» бөлімінде қолжетімді.

MEGOGO жайында

MEGOGO — халықаралық стриминг-сервис, мұнда фильмдер, сериалдар, телехабарлар мен спорт трансляциялары қолжетімді. Сервис Қазақстандағы контент кітапханасын белсенді түрде дамытып, қазақ тілінде дубляж ұсынып, жергілікті мәдени жобаларды қолдайды.

Біздің серіктес: 200 000 фрибетті ұтысқа саламыз – арнаға жазыл және батырманы бас