Kazakhstan Open 2025: Таеквондодан Қазақстан құрамасы анықталды

14–16 тамыз күндері Астанада Жақсылық Үшкемпіров атындағы Жекпе-жек сарайында таеквондодан (WT) G-1 санатындағы Kazakhstan Open 2025 халықаралық рейтингілік турнирі өтеді. Жарыс World Taekwondo ресми күнтізбесіне енген және 22 елдің үздік спортшыларын, оның ішінде Олимпиада чемпиондары мен әлемдік рейтинг көшбасшыларын жинайды.

Қазақстан намысын ересектер, жастар және жасөспірімдер арасындағы әлем және Азия чемпиондары, Универсиада жеңімпаздары қорғайды. Ересектер құрамында Батырхан Төлеуғали, Самирхон Абабакиров, Азиза Караджанова, Нодира Ахмедова, Тамирлан Тлеулес, Айдана Сүндетбай, Жавохирхон Исламов, Мария Севостьянова, Рита Бакишева, Нұрай Құсайнова және Бейбарыс Қаблан бар.

Жастар мен жасөспірімдер қатарында да Бауыржан Исамедин, Айым Серікбаева, Аружан Найманбаева, Нұрәлі Махмұт, Ярина Пуганцова және басқа да жүлдегер спортшылар бақ сынайды. Толық тізім Федерацияның ресми ресурстарында жарияланған.

Kazakhstan Open 2025 – елімізде соңғы сегіз жылда өтетін алғашқы G-1 деңгейлі турнир. Бұған дейін мұндай дода 2015 жылы Алматыда және 2017 жылы Атырауда ұйымдастырылған. Жарыс Qazsport арнасынан тікелей эфирде көрсетіледі.

Біздің серіктес: 200 000 фрибетті ұтысқа саламыз – арнаға жазыл және батырманы бас