Азия кубогында трек велоспортынан қазақстандық спортшылар жүлде алды 

Бүгін Таиландта ерлер, әйелдер, жасөспірім ұлдар мен қыздар арасындағы трек велоспорты бойынша Азия кубогы басталды, деп хабарлайды Sport12.kz. 

Жарыстың алғашқы күнінде Қазақстан ұлттық құрамасы жоғары деңгейдегі шеберлік пен жеңіске деген жігерін айқын көрсетті.

Ерлер арасындағы командалық жарыста құрамында Дмитрий Носков, Сергей Кармажаков, Илья Карабутов және Алишер Жумакан бар қазақстандық команда қарсыластарын артта қалдырып, алтын медальға ие болды.

Юниорлар арасындағы кейрин жарысында Диас Базарбеков топ жарып, чемпион атанды.

 Юниор қыздар арасындағы кейринде қазақстандықтар айқын басымдық танытты:

 Динара Көпжасарова — алтын медаль,

 Айгерім Смаилканова — күміс медаль.

Жасөспірім ұлдар арасындағы скретч жарысында Арлан Ерик қола медаль жеңіп алды.

Жасөспірім қыздар арасындағы скретчте:

Динара Көпжасарова — алтын,

Аружан Кабдулова — қола.

Біздің серіктес: 200 000 фрибетті ұтысқа саламыз – арнаға жазыл және батырманы бас