Таеквондошыларымыз әлем чемпионатының алғашқы күнін қалай өткізді?

Қытайдың Уси қаласында таеквондодан (WT) әлем чемпионаты бастау алды, деп хабарлайды Sport12.kz

Қазақстан құрамасынан 57 келіге дейінгі салмақта әйелдер арасында жарыс жолына алғаш болып шыққан Мария Севостьянова бірінші кездесуінде габондық Коумба Маддассаны 2:0 есебімен тізе бүктірсе, кейін Лука Патакфалвиді (Венгрия) 2:1 ұпаймен жеңді. Одан кейін ол Париж Олимпиадасының чемпионы Ким Ю Чинге (Оңтүстік Корея) жол берді.

Ерлер арасында 87 келіден жоғары салмақта екінші айналымынан бастаған қазақстандық Бейбарыс Қаблан Паско Божиктен (Хорватия), 1/16 айналымда мексикалық 2022 жылғы әлем чемпионы және екі дүркін жүлдегері Карлос Сансоресті айқын басымдықпен (2:0) ұтқанымен, ширек финалда АҚШ спортшысы Джонатан Хилиге 0:2 ұпаймен есе жіберді. 

Әлемдік дода 30-шы қазанға дейін жалғасады.

Біздің серіктес: 200 000 фрибетті ұтысқа саламыз – арнаға жазыл және батырманы бас