27.06.2023
Александр Бублик Испаниядағы турнирге қатысудан бас тартты
Александр Бублик
Қазақстандық теннисші Александр Бублик 25 маусым мен 1 шілде аралығында Мальорка қаласында (Испания) өтетін ATP-250 санатындағы турнирге қатысудан бас тартты.
Бірінші айналымда Бублик испаниялық Альберт Рамос-Виньоласпен ойнауы керек еді. Қазақстандық теннисшінің орнын Франция өкілі Артур Риндеркнеш (әлемнің 85-ші ракеткасы) басты.
Бұған дейін Бублик ATP-500 санатында дебюттік титулын жеңіп алған болатын. Ол Галледе (Германия) өткен турнирдің финалында әлемнің жетінші ракеткасы, ресейлік Андрей Рублевті ұтты. Бұл жеңіс қазақстандыққа әлемдік рейтингте 26-орынға көтерілуге мүмкіндік берді.
