Қазақстан құрамасына жаңа ойыншысы клубсыз қалды

Футболдан Қазақстан құрамасына жаңа ойыншысы Александр Зуев «Крылья Советовтен» кетті. Бір қызығы, Самара клубы жартылай қорғаушының кеткенін оның туған күнінде – футболшы 27 жасқа толар алдында хабарлаған.

«Сашаны жеке мерекесімен құттықтаймыз, оған зор денсаулық, позитив және бар жақсылықты тілейміз! Александрдың «Крылья Советов» командасымен келісімшарты аяқталды, алдағы мансабына сәттілік тілейміз!», - деп жазды клубтың баспасөз қызметі.

Зуев «Крылья Советовте» 2017 жылдың ақпанынан маусымына дейін ойнады, содан кейін 2023 жылдың ақпанында командаға қайта оралды. Самаралықтар сапында 24 кездесу өткізіп, бір гол соқты, екі нәтижелі пас берді.

Зуев жақында Қазақстан азаматтығын алып, ұлттық құрамаға шақырылды, бірақ жаттығу кезінде жарақат алып, Еуро-2024 іріктеу кезеңіндегі Сан-Марино (3:0) және Солтүстік Ирландияға (1:0) қарсы матчтарға қатыспады.