2 күн бұрын
Шахматшы Алуа Нұрман әлем чемпионатына жолдама алды
Фото: Спортты дамыту дирекциясы
Ұлттық құрама ойыншысы Алуа Нұрман Германияда аяқталған фристайл-шахматтан GRENKE Chess Festival жарысында әйелдер арасында 2-орынға ие болды, деп хабарлайды Sport12.kz.
18 жастағы отандасымыз ерлермен бірге Open санатында бақ сынады. Жалпы кестеде 6 ұпай жинаған Алуа 39-сатыдан көрінді. Тек әйелдер арасындағы нәтижеде Нұрман жеңімпазға 8 турдан соң қосымша көрсеткіш бойынша есе жіберіп, 2-орынға тұрақтады.
Әйелдер арасындағы жүлдегерлер:
1. Харика Дроновали (Үндістан, 6 балл)
2. Алуа Нұрман (Қазақстан, 6 балл)
3. Динара Вагнер (Германия)
Үш жүлдегер 2027 жылдың басында фристайл-шахматтан (Фишер шахматынан) өтетін ӘЧ-на жолдамаға қол жеткізді. Тағы бір отандасымыз Меруерт Камалиденова 5,5 балл, Ксения Балабаева 5 балл еншіледі.
Жалпы Open санатында Винсент Кеймер (Германия) 7,5 ұпаймен жеңімпаз атанды. Одан кейінгі сатыға Максим Вашье-Лаграв (7 ұпай, Франция) пен классикалық шахматтан әлем чемпионы Магнус Карлсен (Норвегия, 7 ұпай) жайғасты.
Біздің серіктес: Olimpbet қосымшасын пайдалан
