29.06.2023
Шавкат Рахмоновтың келесі қарсыласы белгілі болды
Шавкат Рахмонов
UFC президенті Дана Уайт Шавкат Рахмоновтың келесі жекпе-жегін жариялады. 16 қыркүйекте қазақстандық файтер америкалық Келвин Гастелуммен күш сынасады.
Бұл Лас-Вегаста (АҚШ) өтетін UFC турнирінің басты бәсекесі болады.
Гастелум 2010 жылдан бері кәсіби түрде өнер көрсетіп келеді. UFC орта салмақтағы рейтингінде 12-ші орында тұр.
Бұған дейін Гастелум жартылай орта салмаққа оралатынын мәлімдеген еді, промоушн басшылығы оның шешімімен келіскен болатын.
2019 жылдың сәуірінде Келвин UFC орта салмақтағы уақытша титулы үшін Исраэль Адесаньямен жекпе-жек өткізді, бірақ Жаңа Зеландиялықтан жеңіліп қалды.
Шавкат соңғы жекпе-жегін наурыз айында америкалық Джефф Нилге қарсы өткізіп, оны үшінші раундта қылқындыру әдісімен жеңді.
Рахмонов жартылай орта салмақтағы UFC рейтингінде алтыншы орында тұр.
