Ушудан әлем чемпионына автокөлік берілді

Алматы қаласында ушу-саньдадан әлем чемпионы Нұрсұлтан Тұрсынқұловты салтанатты марапаттау рәсімі өтті, деп хабарлайды Sport12.kz

Республикалық Ушу федерациясы спортшыға жоғары жетістігі үшін алғыс белгісі ретінде жаңа Toyota Camry автокөлігін табыстады.

Марапаттау рәсімінен кейін Нурсултан көрсетілген қолдау мен еңбегінің жоғары бағалануы жаңа белестерді бағындыруға қосымша серпін беретінін атап өтті. Бұл тек өзіне ғана емес, барлық қазақстандық спортшыларға мотивация болатынын жеткізді.

Еске салайық, Нурсултан Турсынкулов ушу-саньдадан ересектер арасындағы әлем чемпионатында тарихи алтын медаль жеңіп алды. Бұл Қазақстан үшін тәуелсіздік жылдарындағы осы дисциплинадағы алғашқы жеңіс.

Біздің серіктес: Olimpbet қосымшасын пайдалан