21.08.2024
Жанқош Тұраровтың үстінен қыз зорлауға байланысты қылмыстық іс қозғалды
Белгілі боксшы Жанқош Тұраровтың үстінен полицияға қыз зорлауға байланысты арыз түскен. Полиция бұған байланысты қылмыстық іс қозғалғанын мәлімдеді, деп хабарлайды Sport12.
Әлеуметтік желіде 1996 жылы дүниеге келген әйел азаматшаның бірінші жартылай орта салмақтағы IBO нұсқасы бойынша белгілі қазақстандық боксшы Жанқош Тұраровтың үстінен зорлау дерегі бойынша арыз түсіргенін хабарлаған.
«Оған қатысты Әуезов ауданының полиция басқармасы қылмыстық іс қозғады. Сот-медициналық сараптама тағайындалды. Қазіргі уақытта оқиғаның барлық мән-жайын анықтау үшін тергеу жалғасып жатыр», - деп хабарлады полицияның баспасөз қызметі.
