Стенд атудан Азия кубогында ел құрамасы 5 медаль алды

Алматы облысындағы Александр Асанов атындағы ату клубында өтіп жатқан стенд атудан Азия Кубогына 14 елден 200-ден астам мерген қатысып жатыр.

Бүгінгі финалдарда ерлер мен әйелдер арасындағы трап бағдарламасында біздің спортшылар жарқын жеңістерге қол жеткізді. Айжан Досмағамбетова әйелдер арасында қола медаль иегері атанды. Алтынды Қытай спортшысы жеңіп алса, күміс медаль Бахрейн өкіліне бұйырды.

Ерлер арасында Әлішер Айсалбаев күміс медальді еншілеп, Марк Почивалов үздік үштікті түйіндеді. Мұнда Кувейт спортшысы топ жарды.

"Командалық есепте де мергендеріміз тамаша нәтиже көрсетті. Ерлер командасы (Айсалбаев, Почивалов, Хасянов) екінші орынға, ал әйелдер командасы (Досмағамбетова, Прилепина, Почивалова) 3-орынға ие болды", - деп хабарлайды ҚР Туризм және спорт министрлігі Спортты дамыту дирекциясының баспасөз қызметі.