Геннадий Головкин Panam Sports Бас ассамблеясында сөз сөйледі

Қазақстан ҰОК президенті, World Boxing Олимпиадалық комиссия төрағасы Геннадий Головкин Асунсьонде (Парагвай) Panam Sports Бас ассамблеясына қатысып, онда алғаш рет World Boxing атынан сөз сөйледі. 

«World Boxing Олимпиадалық комиссия төрағасы ретіндегі алғашқы сапарым аясында Panam Sports Бас ассамблеясына қатысу мен үшін зор мәртебе. Бокс көптеген жыл бойы олимпиадалық бағдарламаның маңызды бөлігі саналып келді. Менің бұл спорт түріне деген құштарлығым, олимпиадашыдан кәсіби боксшыға дейінгі жолымда жинақтаған тәжірибем менің үнсіз қалуыма мүмкіндік бермейді.

Бірге күш сала отырып, қазіргі қиындықтарды еңсеріп, олимпиадалық бокс мұрасын сақтап қалатынымызға сенемін. Біздің мақсат айқын – олимпиадалық бокс көптеген спортшыға шабыт беріп, үлкен спортқа қадам басуына септігін тигізуді жалғастыруы үшін бұл спорт түрін нығайту, қолдау», - деді Головкин.