14.10.2024
Каратэден Әлихан Қадырғали әлем чемпионы атанды
Фото: Спортты дамыту дирекциясы
Италияның Венеция-Езоло қаласында WKF каратэден жасөспірімдер мен жастар (U21) арасында әлем чемпионаты аяқталды.
ҚР Туризм және спорт министрлігі Спортты дамыту дирекциясының баспасөз қызметінің хабарлауынша, бір апта бойы 200-ге жуық елден жиналған 2000-ға жуық спортшы ката және кумите бағдарламасында сынға түсті. Біздің Ұлттық құрама намысын 30 спортшы қорғап, 4 жүлде жеңіп алды.
Жарыс нәтижесі мынадай:
Алтын – Әлихан Қадырғали 16-17 жас -76 кг
Күміс – Гүлнұр Қойшыбай 16-17 жас -59 кг
Қола – Мирас Әбдіқадыр 16-17 жас -55 кг
Қола – Сұңқар Қанибек 14-15 жас +70 кг
Осылайша, Қазақстан жалпы есепте 11-орынға жайғасты.
