Спортшыларымыз биыл қандай байрақты бәсекеде ел намысын қорғайды

Ұлттық олимпиада комитеті еліміздің спортшылары биыл қатысатын халықаралық жарыстар тізілімін жария етті.

— Ұлттық олимпиада комитеттер өздерінің елдерін Халықаралық олимпиада комитетінің қамқорлығымен өтетін Олимпиада ойындарында, аймақтық, континенттік және бүкіләлемдік кешенді жарыстарда ұсынуда ерекше өкілеттікке ие. Қазақстан ҰОК өз құзыреті аясында халықаралық спорт ұйымдарымен, алдағы ойындардың ұйымдастыру комитетімен қазақстандық спорт делегациясының қатысу мәселелері бойынша ынтымақтасады, — деп атап өтеді комитеттен.

Ұсынылған мәліметке сәйкес, биыл Қазақстан спортшылары мындай ірі спорттық іс-шараларға қатысуды жоспарлап отыр:

— 2025 жылдың 7-14 ақпан күндері Қытайдың Харбин қаласында өтетін Қысқы Азия ойындары;

— Болжаммен қараша/желтоқсанда Бахрейнде өтетін Жасөспірімдер арасындағы Азия ойындары;

— Болжаммен қараша айында Сауд Арабиясының Эр-Рияд қаласында өтетін Ислам ынтымақтастық ойындары;

— Сауд Арабиясында өтетін бірінші Олимпиадалық киберспорт ойындары. Дегенмен, бүгінде ұйымдастыруылар жарыс өтетін қаланы, орнын, мерзімін және іріктеу процесін әлі айқындаған жоқ.

Дегенмен, Ұлттық олимпиада комитеті жоғары аталған іс-шаралардың күні мен өтетін орны ұйымдастырушылардың шешіміне байланысты өзгеруі мүмкін екендігін ескертеді.