18.01.2025
Қазақстан ҰОК басшылары Халықаралық ауыр атлетика федерациясы президентімен кездесті
Фото: olympic.kz
Халықаралық ауыр атлетика федерациясының (IWF) президенті Мұхаммед Джалуд әл-Шаммаридің басшылығымен делегация Қазақстанның Ұлттық Олимпиадалық комитетімен (ҰОК) кездесу өткізді.
Кездесуге сондай-ақ, Бахрейн ауыр атлетика федерациясының басшысы әрі ҰОК-ның вице-президенті Исхак Ибрагим Исхак Абдулрахман, Қазақстан ҰОК-нің бас хатшысы Әлімжан Ақаев, Қазақстан ауыр атлетика федерациясының президенті Гаджи Гаджиев, сондай-ақ Қазақстан Ұлттық антидопинг орталығының (KazNADC) директоры Майра Бақашева қатысты.
Мұхаммед Джалуд әл-Шаммари Қазақстан құрамасының әлем чемпионатындағы жетістіктерін атап өтіп, әлемдік деңгейдегі жоғары бәсекелестік пен қазақстандық спортшылардың көрсеткен әсерлі нәтижелеріне тоқталды.
IWF делегациясы Қазақстан Ұлттық антидопинг орталығының жұмысына ерекше назар аударды. Майра Бақашева допингті қолданудың алдын алу бойынша жүргізіліп жатқан шаралар туралы егжей-тегжейлі баяндады.
