Универсиада-2025: Биатлоншыларымыз жүлде жеңе алмады

Италияның Турин қаласында өткен қысқы универсиада ойындарында биатлоннан бәсекелер өтті.

Ерлер арасында із қуалау жарысында отандастарымыз 12,5 шақырымдық трассада жарыс жолына шықты. Қазақстандық спортшылардың арасында үздік нәтиже көрсеткен биатлоншы – Никита Акимов. Никита белгіенген межені 39:08.7 минутта бағындырып, мәре сызығын бесінші болып қиды. Ал қалған спортшыларымызға келсек, Владислав Кереев – 6 орын (39:23.0), Кирилл Бауэр – 9 орын (40:14.7), ал Ержанат Қуандық – 11 орынға (40:37.2) тұрақтады.

Ал қыздарымыз дәл осы сайыстың 10 шақырымдық трассасында сынға түсті. Арина Крюкова мәреге 39:36.4 минутта келіп, жарысты алтыншы орында аяқтады. Милана Генева – 8 орынға табан тіресе (40:33.6), Алина Скрипкина – 19 орынды місе тұтты (43:25.5). Айша Ракишева болса, жарысты аяқтай алмады.

Еске сала кетейік, Қазақстан командасы медальдар жиынтығы бойынша жалпы командалық есепте сегізінші орында келеді. Ел құрамасының қоржынында әзірге 3 алтын, 4 күміс және 4 қола медаль бар.

Біздің серіктес: 200 000 фрибетті ұтысқа саламыз – арнаға жазыл және батырманы бас