23.01.2025
Шахматшы Ксения Балабаева Испаниядағы турнирдің жеңімпазы атанды
Фото: Қазақстан шахмат федерациясы
Севилья қаласында өткен дәстүрлі Ciudad de Sevilla халықаралық турнирінде ұлттық құраманың шахматшысы жеңіске жетті.
Бұл туралы Туризм және спорт министрлігі хабарлады.
Халықаралық турнир 10-18 қаңтар аарлығында өткізілді. Биыл 50 мәрте жалауын көтерген жарыста әлемнің 39 елінен келген 342 шахматшы бақ сынады. Олардың арасында 13 гроссмейстер, 16 халықаралық шеберлер және әйелдер арасында 4 гроссмейстер бар.
Халықаралық турнирде еліміздің атынан қатысқан Арыстанбек Оразаев үшінші орынға тұрақтады.
