«Медеу» мұз айдыны халықаралық жарыстарды қабылдау талаптарына сай болады

«Медеу» биік таулы мұз айдынына жөндеу жұмыстары жүргізіледі. Бұл жайында Мәжіліс депутаттарының сауалына Премьер-министр Олжас Бектеновтің жауабында айтты.

- Алматы қаласын 2025 жылға дейін және орта мерзімді келешекте 2030 жылға дейін дамыту бағдарламасына сәйкес, 2025-2027 жылдары жергілікті бюджет қаражаты есебінен Медеуді жаңғырту жоспарланған. Бүгінде бюджет заңнамасына сәйкес процедуралар жүргізіліп жатыр, - деді Үкімет басшысы.

Оның атап өтуінше, нысанды жаңғырту аренаның техникалық сипаттамасын жақсартады. Осылайша, Медеу конькимен жүгіру спорты мен мәнерлеп сырғанаудан халықаралық жарыстар өткізу үшін Халықаралық конькимен жүгіру одағының талаптарына сай болады.