Ербол Хамитов әлем чемпионатының қола жүлдегері атанды

Пара биатлоннан әлем чемпионатының алғашқы күнінде Ербол Хамитов 7,5 км спринтті 20 минут 55 секундта бағындырып, қола жүлдеге ие болды. АҚШ спортшысы Аарон Пайк – 20 минут 44 секунд көрсеткішімен чемпион атанса, қытайлық Ван Тао – 20 минут 54 секунд нәтижесімен күміс жүлдеге қол жеткізді.

Сондай-ақ, дәл осы қашықтықта қазақстандық пара спортшы Сергей Усольцев те өнер көрсетті.

Айта кетейік, әлем чемпионаты Словенияның Поклюка қаласында өтуде. Келесі жарыстар 8 ақпанда – спринт пурсит, ал 9 ақпанда – жекелей жарыс түрлері бойынша өтеді. Әлем чемпионаты 9 ақпанға дейін жалғасады.

Біздің серіктес: «Ойна, болжа, қатыс!»