2 күн бұрын
Шаңғы жарысынан әлем чемпионатына кімдер қатысады?
Азамат Бақи
Фото: Нұрғали Жұмағазы/ҰОК баспасөз қызметі
Қазақстан құрамасының бапкерлік штабы шаңғы жарысынан әлем чемпионатына қатысатын спортшылар тізімін жариялады.
Дүбірлі додада еліміздің намысын 14 қазақстандық шаңғышы қорғайды.
Ерлер бәсекесінде Виталий Пухкало, Владислав Ковалев, Олжас Климин, Константин Борцов, Святослав Матасов, Наиль Башмаков, Ернар Нурсбеков және Фёдор Карпов бақ сынайды.
Ал әйелдер арасында еліміздің атынан Дарья Ряжко, Надежда Степашкина, Ксения Шалыгина, Ангелина Шурыга, Камила Елгазинова және Анна Мельник жарыс жолына шығады.
Шаңғы жарысынан әлем чемпионаты 26 ақпан мен 9 наурыз аралығында Норвегияның Тронхейм қаласында өтеді.
