2 күн бұрын
Биатлоннан әлем чемпионатында бүгін кімдерге жанкүйер боламыз?
Азамат Бақи
Фото: Нұрғали Жұмағазы/ҰОК баспасөз қызметі
Бүгін, 19 ақпанда Швейцарияның Ленцерхайд қаласында өтіп жатқан биатлоннан әлем чемпионатында ерлер арасындағы сайыс өтеді.
20 шақырым қашықтықтағы жекелей сында еліміздің атынан Владислав Киреев, Вадим Куралес, Әсет Дүйсенов және Александр Мухин жүлдеге таласады.
Жарыс Қазақстан уақытымен 19:05-те басталады. Аталған бәсекені Qazsport арнасы тікелей эфирде көрермендер назарына ұсынады.
Айта кетейік, аталған биатлоншылар 2025 жылы Харбинде өткен Азия ойындарында бақ сынаған. Киреев спринт жарысында жеңімпаз атанса, Куралес осы жарыста екінші орын алған.
Сонымен қатар Вадимнен басқа барлық спортшылар эстафеталық жарыста күміс жүлдеге ие болған еді.
