Әлем чемпионатындағы сенімді қадам: Михаил Шайдоров ТОП-3-ке кірді

Мәнерлеп сырғанаудан АҚШ-тың Бостон қаласындағы TD Garden арена­сында өтіп жатқан әлем чемпионатында ерлер жарыс жолына шықты.

2025 жылды өте сәтті өткеріп жатқан Михаил Шайдоров өз мансабындағы 4-ші жаһандық додасын (2021, 2023, 2024 жыл) жоғары ұпаймен аяқтады.

Ерлер. Қысқа бағдарлама. 39 қатысушы.

1-орын. Илья Малинин (АҚШ) - 110.41 ұпай

2-орын. Юма Кагияма (Жапония) - 107.09

3-орын. Михаил Шайдоров (Қазақстан) - 94.77

Михаил Шайдоров ел тарихындағы қысқа бағдарлама бойынша әлем чемпионатында ең көп ұпай алған спортшы ретінде тіркелді.

Бұған дейін 2013 жылы Денис Тен қысқа бағдарламада 91.56 ұпай алған еді.

Еркін бағдарлама сайысы Астана уақыты бойынша 30 наурыз күні, таңғы 4-ке жоспарланған.