3 күн бұрын
Бейжің Олимпиадасының қатысушысы 24 жасында көз жұмды
Азамат Бақи
Тау шаңғы спортынан Олимпиада қатысушысы, түркиялық спортшы Беркин Уста 24 жасында қайтыс болды.
Беркин тау-шаңғы курортындағы қонақүйде шыққан өрт салдарынан ажал құшты.
Сонымен қатар, оның әкесі Түрік тау шаңғысы және сноуборд оқытушылары қауымдастығының президенті 57 жасар Яхья Устада бақилық болды. Беркиннің анасы қазіргі таңда жан сақтау бөлімінде жатыр.
Айта кетейік, Беркин Уста 2022 жылы Қытай астанасы Бейжіңде өткен Қысқы Олимпиадада Түркия намысын қорғап, гигантты слалом бәсекесінде 43-орынға табан тіреді.
