Бірінші Олимпиада лицензиясы: Софья Самоделкина әлем чемпионатын аяқтады

Мәнерлеп сырғанаудан АҚШ-тың Бостон қаласындағы әлем чемпионатында әйелдер бәсекесі мәресіне жетті.

Еркін бағдарлама сайысында сынға түскен Софья Самоделкина жалпы жарыста 181.36 ұпай жинап, 14-орыннан көрінді.

Нәтижесінде ол 2026 жылғы қысқы Олимпиадасына ресми түрде қатысуға мүмкіндік алды.

Айта кетейік, аруларымыздың арасынан бұған дейін 2018 жылғы Пхёнчхан Олимпиадасында Элизабет Тұрсынбаева мен Айза Мамбекова жүлдеге таласқан еді. Ал 2022 жылы Бейжің Олимпиадасына ешкім өте алмады.

Ал чемпиондық атақты спорттық мансабын аяқтап, кейіннен қайта оралған 19 жастағы Алиса Лю алғаш рет жеңіп алды.

Әйелдер. Еркін бағдарлама. 24 қатысушы.

1-орын. Алиса Лью (АҚШ) - 222.97 ұпай

2-орын. Каори Сакамото (Жапония) - 217.98

3-орын. Монэ Тиба (Жапония)- 215.24

14-орын. Софья Самоделкина (Қазақстан) - 181.36

Ертең еркін бағдарлама сайысында Михаил Шайдоров өнер көрсетеді.