23 сағат бұрын
ҚР Спартакиадасында биатлонның эстафетасынан көшбасшылар анықталды

Фото: ҚР Дене шынықтыру және спорт комитеті
2 сәуірде Қысқы спорт түрлері бойынша олимпиадалық даярлау орталығының базасында биатлоннан ҚР Спартакиадасы аясында эстафеталар өтті.
Жарысқа Қазақстанның 6 өңірінен командалар қатысты.
Ерлер арасындағы жарыс қорытындысы бойынша мәреге бірінші болып Ақмола облысының командасы жетті (В. Куралес, Р. Амурлаев, А. Мухин, Д. Червенко). Екінші орында ШҚО құрамасы (И. Дарьин, Е. Гребенщиков, А. Афанасьев, Н. Акимов). Үшінші орында Алматы облысы (Б. Авизов, М. Байболды, Е. Қуандық, А. Дүйсенов).
Әйелдер тобында Алматы облысының спортшылары жеңіске жетті (М. Генева, Н. Пивоварова, А. Ракишева, Я. Чупик). Екіншісі - Абай облысының командасы (Г. Вишневская-Шепоренко, Э. Мезенцева, К. Титиевская, А. Қарабаева). Үшінші орында Ақмола облысы (А. Скрипкина, А. Кондратьева, П. Егорова, А. Крюкова).
Ертең, 3 сәуірде, биатлоннан ҚР Спартакиадасының қорытынды жарысы өтеді. Спортшылар масс-стартта өнер көрсетеді.
