20 сағат бұрын
Ербол Мырзабосынов әлемдік рекордты жаңартқан қазақстандық спортшыға құрмет көрсетті
Фото: ҚР туризм және спорт министрлігі
Туризм және спорт министрі Сергей Цырульниковты Мемлекет басшысы атынан құттықтады.
Бұл жөнінде министрліктің баспасөз қызметі мәлім етті.
Қазақстан Республикасының Туризм және спорт министрі Ербол Мырзабосынов Мемлекет басшысы Қасым-Жомарт Тоқаевтың атынан алып күш иесі, халық арасында саламатты өмір салтын насихаттауға белсенді үлес қосып жүрген Сергей Цырульниковты 40 жасқа толуымен құттықтады.
Қара күш иесі Сергей Цырульников әлемнің және Қазақстанның бірнеше дүркін рекордшысы. Сондай-ақ ол «100 ауыл» әлеуметтік жобасы аясында ауыл жастарының тәрбиесімен айналысып, мастер-класстар, ашық жаттығулар және мотивациялық кездесулер өткізіп келеді.
