18 сағат бұрын
Әлем кубогы: Семсерлесушілеріміз Венгрияда жүлде жеңе алмады
Азамат Бақи
Фото: Ұлттық олимпиадалық комитет
Венгрия астанасы Будапешт қаласында саблямен семсерлесуден өткен ерлер арасындағы Әлем кубогы кезеңі мәресіне жетті.
Еліміздің намысын қорғаған 6 спортшының ішіндегі үздік нәтижені Бақдәулет Құралбекұлы көрсетті. Ол жарысты 18-орында аяқтады.
Қалған спортшыларымыздың көрсеткіштері келесідей: Артем Саркисян – 77-орын, Жанат Нәбиев – 93-орын, Назарбай Саттархан – 131-орын, Артур Чупраков – 143-орын, Қуаныш Ерғашбай – 230-орын.
Осылайша ел құрамасы жалпыкомандалық есепте 15-сатыға жайғасты.
Ал жекелей сында Франция елінің спортшысы Себастьен Патрис топ жарды.
