Нысана көздеу: Қазақстандық спортшы Әлем кубогының финалында бақ сынады

Кеше, 3 сәуірде Аргентина астанасы Буэнос-Айрес қаласында нысана көздеуден Әлем кубогы кезеңі жалауын желбіретті.

10 метрге пневматикалық тапаншамен ату аталымы бойынша сынға түскен Қазақстан құрамасының өкілі Валерий Рахимжан жарыстың финалдық кезеңіне сүрінбей өтті.

Ақтық бәсекеде нысана көздеген отандасымыз бар болғаны 8-орынмен шектелді. Алтын жүлдені қытайлық Ху Кай иеленсе, ресейлік Антон Аристархов күміспен күптелді. Ал үздік үштікті швейцариялық Джейсон Солари түйіндеді.

Айта кетейік, бұл турнирде ел намысын қорғау үшін Валерийден бөлек Арина Алтухова, Елизавета Безрукова, Никита Чирюкин, Эльдар Иманқұлов, Артемий Кабаков, Александра Ле, Константин Малиновский, Ислам Сәтпаев, Валерия Попелова, Никита Шахторин, София Шульженко, Ирина Юнусметова және Руслан Юнусметов сынды спортшыларымыз Аргентинаға аттанды.

Жаһандық дода 10 сәуірге дейін жалғасады.