11.04.2025
Әлем кубогы: 3 гимнастымыз финалға шықты
Фото: Дене шынықтыру және спорт комитеті
Хорватияның Осиек қаласында спорттық гимнастикадан әлем кубогының кезеңі өтіп жатыр.
Бұл жөнінде ҚР Дене шынықтыру және спорт комитеті мәлім етті.
Бүгінгі іріктеу нәтижесінде Ұлттық құраманың 3 гимнасты ақтық сынға жолдама алды.
Тұтқалы ат снарядында Париж Олимпиадасының күміс жүлдегері Нариман Курбанов көш бастап тұр. Оның еншісінде 14.566 ұпай бар. Ал Зейнолла Ыдрысов 6-сатыға табан тіреп, жүлдеге таласуға мүмкіндік алды (14.300 балл).
Еркін жаттығуда 2023 жылғы әлем чемпионатының қола жүлдегері Милад Карими Осиекте 13.866 балл алды. Отандасымыз 2-орынмен ақтық сында.
Айта кетейік, ертең, 11 сәуірде де іріктеу өтеді. Содан кейінгі 2 күнге финал жоспарланған.
