Нариман Құрбанов әлем кубогындағы кезекті жүлдесін жеңіп алды

Париж Олимпиадасының күміс жүлдегері Нариман Құрбанов спорттық гимнастикадан Хорватияның Осиек қаласында өтіп жатқан әлем кубогында жүлдегерлер қатарынан көрінді.

Отандасымыз тұтқалы ат снаряды бойынша өткен финалдық бәсекеде қола медаль жеңіп алды. Құрбанов финалда 14.233 ұпай жинады.

Тұтқалы ат жаттығуы бойынша финал нәтижесі:

• 1-орын: Гамлет Манукян (Армения) — 14.633 ұпай
• 2-орын: Тианлонг Гао (Қытай) — 14.400 ұпай
• 3-орын: Нариман Құрбанов (Қазақстан) — 14.233 ұпай
• 8-орын: Зейнолла Ыдырысов (Қазақстан) — 9.500 ұпай

Айта кетейік, бұл — Қазақстан құрамасының аталған жарыстағы екінші жүлдесі. Бұған дейін Милад Карими еркін жаттығуда үшінші орын алған болатын.