VI Жастар ойындары: Гандболдан жаңа чемпион анықталды

Астана қаласында қол добынан Қазақстанның VI Жастар ойындары өз мәресіне жетті.

2004 жылы туған қыздар арасында өткен жарысқа еліміздің жеті өңірінен құрамалар қатысты:

Астана және Шымкент қалалары, Павлодар, Түркістан, Ақтөбе, Қарағанды және Қызылорда облыстары.

Апта бойы тартысты өткен кездесулер нәтижесінде Астана қаласының құрамасы жоғары ойын үлгісін көрсетіп, жарыстың алтын жүлдесіне ие болды.

Шымкент қаласының командасы күміс медальмен марапатталса, Қарағанды облысының спортшылары қола жүлдені жеңіп алды.

Естеріңізге сала кетейік, ақпан айында бастау алған VI жастар ойындары қазан айына дейін жалғасады. Төрт жылда бір өтетін дүбірлі додада еліміздің барлық өңірінен жиналған спортшылар спорттың 34 түрі бойынша сынға түседі.