Софья Берульцева: Қазақ тілін үйрену үшін қосымша репетиторға бардым

Токио Олимпиадасының қола жүлдегері, каратэ шебері Софья Берульцева қазақ тілін қалай меңгергені жөнінде ой бөлісті, деп хабарлайды Sport12.kz сайты SPORT+ басылымына сілтеме жасап.

— Менің анам — орыс, әкем — грек, ал өзім — қазақпын (күліп). Көп адам менен қазақ тілінде қалай жақсы сөйлей алатынымды сұрайды. Бала күнімде үйдегі телефон арқылы сөйлескен кісілер маған қазақша жауап беретін. Мен анама барып: «Мен де осылай сөйлегім келеді», — дедім. Содан кейін анам мені қазақ балабақшасына берді. Мектепте де, үйде де қазақ тілін оқып, қосымша үш рет репетитормен дайындалдым. Қазақ әдебиетін оқыдым, — дейді Берульцева.