Эльмир Әлімжанов: Лос-Анджелес Олимпиадасында жүлде алу үшін тағы бір қадам жасау қажет

Қазақстанның семсерлесу құрамасының капитаны Эльмир Әлімжанов Олимпиадада медаль алу мүмкіндігі туралы айтты, деп хабарлайды Sport12.kz

«Бес жылға жуық уақыт бойы құрамамен венгр маманы Ференц Тодт жұмыс істеді. Өте білікті маман, бізге Олимпиадаға жолдама алу үшін жетіспей тұрған бір қадамды жасауға көмектесті. Нәтижесінде біз Олимпиадаға жолдама алдық. Енді бізге медаль алу үшін тағы бір қадам жасау қажет, осы мақсатта әлемдік семсерлесу сарапшыларының бағалауы бойынша одан да мықты маманды шақырдық. Александр Гарбатюк — әлемдегі ең үздік маман. Ол — Украинадан, бірақ 15 жыл Жапонияда жұмыс істеп, нөлден бастап команда құрды. Бұл команда Токиода алтын, Парижде күміс жүлде алды, ал жеке сындарда оның шәкірті алтын жеңіп алды. Біз онымен жарты жылдай жұмыс істеп жатырмыз, енді алдағы прогресті көре жатармыз».