1 күн бұрын
Бибісара Асаубаева әлемдік рейтингте көрсеткішін жақсартты
Қанат Байұзақов
Халықаралық шахмат федерациясы (FIDE) кезекті әлемдік рейтингті жариялады, деп хабарлады Sport12.kz
Әйелдер арасындағы рейтингте Қазақстанның мақтанышы, блиц бойынша екі дүркін әлем чемпионы Бибісара Асаубаева жоғары нәтижеге қол жеткізді. Ол өткен аймен салыстырғанда екі сатыға көтеріліп, әлемдік рейтингте 12-орынға тұрақтады. Оның жинаған ұпайы — 2494. Айта кетерлігі, дәл осындай көрсеткішке ресейлік Полина Шувалова да ие. Бірақ ол бір саты жоғары — 11-орында тұр.
Жүздік шахматшылар қатарына тағы екі қазақстандық қыз енді. Меруерт Камалетдинова — 2345 ұпаймен 97-орында, ал Амина Қайырбекова — 2344 ұпаймен 100-орынға жайғасты.
