6 сағат бұрын
Қазақстандық жүзушілер Грекиядағы турнирде 8 медаль жеңіп алды
Азамат Бақи
Фото: Ұлттық олимпиадалық комитет
Грекия астанасы Афина қаласында өткен жүзуден халықаралық турнирде Қазақстан құрамасы 3 алтын, 3 күміс, 2 қола жүлде жеңіп алды, деп хабарлайды Sport12.kz.
Айтулы додада Әділбек Мусин (100 метр баттерфляй) мен Ксения Игнатова (100 және 200 метр арқамен жүзу) алтыннан алқа тақты.
Сондай-ақ Мусин 50 метрге баттерфляй әдісімен жүзуде екінші орыннан көрінді. Одан бөлек, күміс медальді Айбат Мырзамұратов (100 метр брасс) мен Аделаида Пчелинцева (50 метр брасс) еншіледі.
Ал Айбат Мырзамұратов (50 метр брасс) пен Максим Сказобцов (100 метр баттерфляй) жарыстың қола жүлдегері атанды.
