Париж Олимпиадасының жүлдегері жантүршігерлік оқиғадан қаза тапты

Регбиден Фиджи құрамасы мен франциялық «Кастр» клубының ойыншысы Хосая Райсуке жол апатынан қайтыс болды, деп хабарлайды Sport12.kz.

Жантүршігерлік жол апаты теміржол өткелінде тіркелді. Райсуке тізігіндеген автокөлік пойызбен соқтығысып, аса жоғары жылдамдықпен келе жатқан пойыз машинаны шамамен 200 метрге дейін сүйреп әкеткен. Регбиші бұл қақтығыс салдарынан ауыр жарақат алып, оқиға орнында жан тапсырды.

L'Équipe басылымының мәліметінше, қаралы хабардан кейін «Кастр» ойыншылары жаттығудан босатылған. Сенбі күні «Кастр» Ұлттық регби лигасының аясында «Клермонмен» ойнауы тиіс болатын. Алайда чемпионаттың басшылығы қайғылы оқиғаға байланысты матчты кейінге шегеру туралы шешім қабылдады.

Айта кетейік, Хосая Расуке 2024 жылы Парижде өткен жазғы Олимпиада ойындарында регби-7 сайысында Фиджи құрамасымен бірге күміс жүлдегер атанған болатын.