2026 жылғы Олимпиада алауы қашан тұтанатыны белгілі болды

2026 жылы өтетін Қысқы Олимпиада алауы қашан тұтанатыны анықталды, деп хабарлайды Sport12.kz.

Грекия Ұлттық Олимпиадалық комитетінің мәліметінше, салтанатты рәсім ежелгі дәстүр бойынша Ежелгі Олимпия қаласында өтеді. Осы сәттен бастап Олимпиада алауы Грекияның жеті аймағын басып өтіп, 2000 шақырымға жуық аралықты еңсереді. Эстафета барысында 450 адам алауды ұстап жүгірмек.

Эстафета 4 желтоқсанда Афина қаласындағы әйгілі «Панатинаикос» стадионында аяқталады. Сол жерде Олимпиада алауы жарысты ұйымдастырушы Италия тарапына ресми түрде табысталады. Кейін алау Италия аумағын шарлап, сапарын жалғастырады.

Айта кетейік, 2026 жылғы Қысқы Олимпиада ойындары 6–22 ақпан аралығында Италияның Милан мен Кортина-д’Ампеццо қалаларында өтеді.